بھارتی شہر حیدرآباد کے علاقے ناگول میں 25 سالہ نوجوان بیڈمنٹن کھیلتے ہوئے دل کا دورہ پڑنے سے انتقال کرگیا۔
بھارتی میڈیا رپورٹس کے مطابق حیدرآباد کے علاقے ناگول میں راکیش نامی 25 سالہ نوجوان بیڈمنٹن کھیلتے ہوئے دل کا دورہ پڑنے سے انتقال کر گیا، متوفی کا تعلق سابق ڈپٹی سرپنچ گنڈلا وینکٹیشور کا بیٹا تھا، جو ناگول میں ایک نجی کمپنی میں ملازمت کرتا تھا۔
View this post on Instagram
انسٹاگرام پر پوسٹ کی گئی ویڈیو میں نوجوان کو بیڈمنٹن کھیلتے ہوئے اچانک گرتے ہوئے دیکھا جاسکتا ہے، واقعہ شام 8 بجے کے قریب پیش آیا جب وہ دوستوں کے ساتھ کورٹ میں بیڈمنٹن کھیل رہا تھا۔
رپورٹ کے مطابق ساتھی کھلاڑیوں نے فوری طور پر راکیش کو سی پی آر دے کر بچانے کی کوشش کی، لیکن جب حالت میں سدھار نہ آیا تو اُسے قریبی اسپتال منتقل کیا گیا، جہاں ڈاکٹروں نے اس کی موت کی تصدیق کردی۔
