قومی ایئر لائن پی آئی اے نے پائلٹس کی بھرتیوں کیلئے ایک اور بڑا پروگرام لانچ کر دیا ۔
تفصیلات کے مطابق کیڈٹ پائلٹس پروگرام کے تحت 24 پائلٹس بھرتی کیے جائیں گے ، کیڈٹ پائلٹس پروگرام کے تحت پائلٹس کو دو سال کے کنٹریکٹ پر بھرتی کیا جائے گا ، کیڈٹ پائلٹس کیلئے 200 گھنٹے کی فلائنگ اور سی اے اے سے کمرشل پائلٹ لائسنس لازمی قرار دیا گیاہے ، کیڈٹ پائلٹس سے 15000 ہزار امریکی ڈالر کے مساوی مالیت کا بونڈ بھروایا جائے گا۔
پائلٹ کی قلت کو پورا کرنے کیلئے اس سے قبل 20 پائلٹس بھرتیوں کا عمل الگ سے جاری ہے ، دلچسپی رکھنے والے کمرشل پائلٹس کو 15 دن کے اندر پی آئی اے شعبہ ایچ آر کو درخواست دینے کی ہدایت کی گئی ہے ۔
