سینیٹ کی قائمہ کمیٹی ریلوے کو بتایا گیا ہے کہ آسٹریا کی ریل کمپنی نے ایم ایل این ون منصوبہ میں دلچسپی کا اظہار کیا ہے ۔ چیئرمین ریلوے نے کہا چین کے علاوہ کوئی اور ملک منصوبے کے لئے آتا ہے تو ریلوے کو بین الاقوامی سطح پر بولی لگوانا ہو گی۔
چیئرمین قائمہ کمیٹی جام سیف اللہ نے بتایا کچھ سینیٹرز کو آسٹریا میں پاکستان کے سفیر نے بتایا تھا کہ آسٹرین ریل کمپنی پاکستان کے ا ایم ایل ون منصوبے میں دلچسپی رکھتی ہے ۔ پاکستان ریلویز اس پر بھی غور کرے۔
چئیرمین ریلویز مظہر علی شاہ نے کمیٹی کو بتایا کہ ایم ایل ون سی پیک منصوبے کا حصہ اور سرمایہ کاری کے لئے چین پہلی ترجیح ہے ۔ منصوبے کیلئے کوئی اور سرمایہ کاری کرتا ہے تو بین الاقوامی بڈنگ ہوگی۔
کمیٹی کو بتایا گیا پاکستان ریلوے کے پاس 400 ایکڑ مہنگی ترین زمین ہے اس کیلئے منصوبہ بندی کر رہے ہیں ۔ زمین کی لیز سے حاصل ہونے والا منافع ریلوے پر لگتا ہے۔
رکن کمیٹی شہادت اعوان نے چیئرمین کمیٹی کو بتایا مسلسل 8 اجلاسوں سے سوالات کر رہا ہوں ایک کا بھی جواب نہیں دیا گیا ۔ چئیرمین کمیٹی نے نیب اور ایف آئی اے اہلکاروں کو ہدایت کی کہ وہ اگلے اجلاس میں ریلوے کے کیسسز کی تفصیلات فراہم کریں۔
