انٹرنیشنل کرکٹ کونسل ( آئی سی سی ) زیر انتظام بھارت میں جاری ورلڈ کپ 2023 کے 42 ویں میچ میں جنوبی افریقہ نے افغانستان کو5وکٹ سے ہرادیا۔
ورلڈ کپ 2023 میں جنوبی افریقہ ساتویں کامیابی حاصل کرکے14پوائنٹس کیساتھ دوسری پوزیشن آگئی جبکہ افغانستان کی ٹیم کرکٹ ورلڈکپ سے باہر ہوگئی
جنوبی افریقہ اننگز
جنوبی افریقہ نے افغانستان کا245رنز کا ہدف48ویں اوورز میں حاصل کیا،وین ڈرڈوسن76رنز بناکر ٹاپ اسکورر رہے،کوئنٹن ڈی کوک41، مارکرم25،ڈیوڈ ملر24رنزبناسکے،محمدنبی اور راشد خان نے2-2 کھلاڑیوں کو آؤٹ کیا۔
افغانستان اننگز
افغانستان کی ٹیم244رنزبناکرآؤٹ ہوئی،گرباز25،ابراہیم زادران15،راشدخان14رنزبناسکےرحمت شاہ اور نوراحمد نے26-26رنزاسکور کئے، عظمت اللہ عمرزئی97رنزبناکرنمایاں رہے۔
جنوبی افریقی بولرکوئٹزی نے4کھلاڑیوں کوآؤٹ کیاجبکہ لنگی اینگیڈی اور کیشومہاراج نے2-2وکٹیں لیں۔
افغانستان اور جنوبی افریقا کی ٹیمیں میگا ایونٹ کے اہم میچ میں احمد آباد میں مدمقابل ہیں جہاں افغان ٹیم نے ٹاس جیت کر پہلے بیٹنگ کا فیصلہ کیا۔ کپتان حشمت اللہ شاہدی نے کہا کہ کوشش ہوگی اچھا ٹارگٹ سیٹ کرکے میچ میں کامیابی سمیٹیں۔
جنوبی افریقی ٹیم کے کپتان ٹمبا باؤما کا کہناتھا لیگ راؤنڈ کے آخری میچ میں کامیابی سیمٹ کر سیمی فائنل میں پراعتماد آغاز کرنا چاہتے ہیں۔ ٹیم میں دو تبدیلیاں کی گئی ہیں، مارکو جانسن اور تبریز شمسی کو آرام دیا گیا ہے جبکہ جیرالڈ کوئٹزی اور فیہلوکوایو کو ہلئینگ الیون میں موقع دیا گیا ہے۔
افغان اسکواڈ
افغانستان کی ٹیم میں کپتان حشمت اللہ شاہدی، رحمان اللہ گربز، ابراہیم زدران، رحمت شاہ، عظمت اللہ عمر زئی، رحمت شاہ، وکٹ کیپر اکرام علی خیل، محمد نبی، راشد خان، مجیب الرحمان، فضل الحق فاروقی شامل ہیں۔
جنوبی افریقی اسکواڈ
جنوبی افریقی کی ٹیم میںکپتان ٹمبا باؤما، ایڈن مارکرم، کوئنٹن ڈی کوک، راسی وین ڈیر ڈوسن، ہینرک کلاسن، ڈیوڈ ملر، کیشو مہاراج، جیرالڈ کوئٹزی، کاگیسو ربادا، فیہلوکوایو اور لنگی نگیڈی شامل ہیں۔
