لیفٹیننٹ جنرل ( ر ) عبد القادر بلوچ نے پاکستان پیپلز پارٹی ( پی پی پی ) سے استعفیٰ دیتے ہوئے سیاست سے کنارہ کشی کا اعلان کردیا۔
سماء ٹی وی سے خصوصی گفتگو کرتے ہوئے لیفٹیننٹ جنرل ( ر ) عبد القادر بلوچ نے کہا کہ پاکستان پیپلز پارٹی سے استعفیٰ دے رہا ہوں اور پارٹی سیاست سے بھی کنارہ کشی اختیار کررہا ہوں۔
عبدالقادر بلوچ کا کہنا تھا کہ ذاتی مصروفیات ، صحت کے مسائل اور بڑھتی عمر کی وجہ سے یہ فیصلہ کیا۔
انہوں نے کہا کہ پاکستان کی خدمت اپنی نجی حیثیت میں جاری رکھوں گا۔
ان کا مزید کہنا تھا کہ تہہ دل سے شکریہ ادا کرتا ہوں جنہوں نے اس طویل سیاسی سفر میں میرا ساتھ دیا۔
