بھارت کی معروف اداکارہ نے محمد شامی کو شادی کی پیشکش کر دی ہے جبکہ ان کی اہلیہ نے عجیب و غریب بیان جاری کر دیاہے ۔
بالی ووڈ اداکارہ اور سیاستدان پایل گھوش نے ورلڈکپ 2023 میں شاندارکارکردگی دکھانے پر محمد شامی کو شادی کی پیشکش کر دی ہے لیکن ساتھ میں ایک دلچسپ شرط بھی رکھ دی ہے ۔ پایل نے ٹویٹر پر بیان جاری کرتے ہوئے کہا کہ " شامی توم اپنی انگریزی بہتر کرلو میں تم سے شادی کرنے کیلئے تیار ہوں "۔
#Shami Tum apna English sudharlo, I’m ready to marry you 🤣🤣
— Payal Ghoshॐ (@iampayalghosh) November 2, 2023
محمد شامی نے 4 میچ میں ورلڈکپ کے دوران 16 وکٹیں حاصل کر لی ہیں اور بھارتی ٹیم کیلئے اہم کھلاڑی ثابت ہوئے ہیں۔ تاہم اس دوران محمد شامی کی اہلیہ سے جب بھارتی میڈیا نے ان کی کارکردگی پر سوال کیا تو حسین جہان نے نہایت حیران کن بیان جاری کر دیا ۔انہوں نے کہا کہ " کچھ بھی ہے ، اچھا پرفارم کر رہا ہے ، اچھا کھیلے گا تو ٹیم میں رہے گا ، اچھا کمائے گا تو ہمارا مستقبل محفوظ رہے گا"۔ جب ان سے پوچھا گیا کہ کیا آپ شامی کو مبارکباد دینا چاہیں گی تو انہوں نے جواب دیا کہ " میں اپنی نیک خواہشات ٹیم انڈیا کیلئے جاری کرنا چاہتی ہوں شامی کیلئے نہیں " ۔
محمد شامی اور حسین جہاں کی شادی 2014 میں ہوئی اور جولائی 2015 میں ان کے گھر بیٹی پیداہوئی تاہم حال ہی میں دونوں کے درمیان تعلقات کشیدہ ہو گئے اور حسین جہان نے اپنے شوہر پر نہایت سنگین الزامات کی بارش کر دی ، جس میں گھریلو تشدد اور مبینہ طور پر جان سے مارنے کے الزامات نمایاں ہیں ۔تاہم محمد شامی نے ان تمام الزامات کی تردید کی تھی ۔
