وفاقی وزیر داخلہ محسن نقوی نے ابوظہبی میں یو اے ای کے نائب وزیراعظم اور وزیر داخلہ لیفٹیننٹ جنرل شیخ سیف بن زید النہیان سے ملاقات کی ہے ۔ پاکستانی شہریوں کو درپیش یو اے ای ویزا کےمسائل پر تبادلہ خیال کیا گیا ۔ سیکیورٹی تعاون، انسداد منشیات و اسمگلنگ ، غیرقانونی امیگریشن روکنے کیلئے تعاون اور ٹیکنالوجی تبادلے پر بھی گفتگو ہوئی ۔
وزیرداخلہ محسن نقوی اور یو اے ای کے نائب وزیراعظم اور وزیر داخلہ کی ملاقات میں پاکستانی شہریوں کیلئے ورک ویزا میں آسانیاں پیدا کرنے سے متعلق ضروری اقدامات پر اتفاق کیا گیا ۔
لیفٹیننٹ جنرل شیخ سیف بن زید النہیان کی ویزا مسائل سے متعلق ہر ممکن تعاون کی یقین دہانی کروائی ۔ محسن نقوی نے کہا یو اے ای کے ساتھ برادرانہ تعلقات ہر پاکستانی کے لیے اثاثہ ہیں ۔ سیکیورٹی سمیت دوطرفہ تعاون کے ہر شعبے میں تعاون کو مزید وسعت دینا چاہتے ہیں ۔ پاکستانیوں کی بڑی تعداد یواے ای کی معیشت کی مضبوطی میں کردار ادا کر رہی ہے ۔ چاہتے کہ پاکستانی شہری آسانی سے یو اے ای آ سکیں ۔ویزا پالیسی میں آسانی سے شہریوں کو بہت ریلیف ملے گا ۔
قبل ازیں یو اے ای وزارت داخلہ آمد پر محسن نقوی کا پرتپاک استقبال کیا گیا ۔ گارڈ آف آنر پیش کیا گیا ۔ انہوں نے ابوظہبی پولیسنگ کے جدید نظام اور آپریشن روم کا دورہ بھی کیا ۔
