سابق وزیرسرمایہ کاری اظفر احسن نے بیوروکریسی پر بڑا الزام عائد کرتے ہوئے کہا کہ سعودی سرمایہ کاری کی راہ میں رکاوٹیں ڈالی جا رہی ہیں، وزیراعظم کے وعدے کے باوجود سعودی سرمایہ کار گروپ کےمسائل حل نہیں ہوسکے ۔
سابق وزیرسرمایہ کاری نے اپنے بیان میں کہا ہے سعودی حکومت اورسرمایہ کار دس ارب ڈالر کی سرمایہ کاری کےخواہشمند ہیں لیکن وہ پاکستانی بیوروکریسی اور ریگولیٹر کے منفی رویے سے پریشان ہیں، یہ بھی کہا کہ سرمایہ کاری کےمسائل حل ہونےتک کےالیکٹرک میں مزید سعودی سرمایہ کاری ممکن نہیں،کےالیکٹرک میں تاخیر سےپاکستان کا نجکاری پروگرام بدنام ہو رہا ہے،اظفراحسن نے کہا عالمی سرمایہ کار پاکستان کو دیکھ رہے ہیں، تاثر خراب نہ کریں، پاکستان کو سرمایہ کاری کے لیے محفوظ اور قابلِ اعتبار بنانا ہوگا ۔
