یوم عاشور پر ملک بھر میں 4836 جلوس برآمد ہوگئے۔ 5 ہزار 480 مجالس عزا کا انعقاد کیا گیا۔ 1301 علاقے انتہائی حساس قرار دیئے گئے ہیں۔
وزارت داخلہ کے مطابق اسلام آباد، چاروں صوبوں ، آزاد کشمیر اور گلگت بلتستان میں سخت حفاظتی اقدامات کیے گئے ہیں۔ پنجاب میں 2502 مجالس اور3025 جلوس نکالے گئے ہیں ، سندھ میں 1039اور خیبرپختونخوا میں 257 جلوسوں کا انعقاد کیا گیا۔
بلوچستان میں 32 مجالس، 24 جلوس جبکہ جی بی 1070 مجالس ،141 جلوس نکالے گئے، اسلام آباد میں54 مجالس،12جلوسوں کا انعقاد کیا جارہا ہے۔
وزیرداخلہ محسن نقوی نے کہا یوم عاشور پر امن و امان کے لئے تمام فورسز اور انتظامیہ ہائی الرٹ ہیں ۔ سوشل میڈیا پر مذہبی منافرت اور فرقہ واریت پر کریک ڈاؤن جاری ہے۔ فوج ، رینجرز ، پولیس ، انتظامیہ اور دیگر اداروں کو خراج تحسین پیش کرتا ہوں ۔ وزارت داخلہ کے مطابق مرکزی مانیٹرنگ سیل کا صوبائی کنٹرول رومز سے مسلسل رابطہ ہے ۔
وفاقی وزیر داخلہ ، وزیر مملکت اور سیکرٹری داخلہ لمحہ بہ لمحہ صورتحال مانیٹر کر رہے ہیں۔ وزیراعظم شہباز شریف کو ملک بھر میں امن و امان کی صورتحال سے مسلسل آگاہ کیا جا رہا ہے۔
