سیف علی خان کی صاحبزادی اور اداکارہ سارہ علی خان کا بھارتی کرکٹر شبمن گل کے ساتھ تعلقات کی افواہوں پر ردعمل سامنے آگیا۔
بھارتی فلمساز کرن جوہر کے مقبول ترین شو “کافی ود کرن” کے 8ویں سیزن کی نئی قسط کا ٹیزر جاری کردیا گیا، جس میں دو نوجوان بالی ووڈ حسینائیں سارہ علی خان اور اننیا پانڈے شریک ہوئی ہیں۔
کافی ود کرن میں کرن جوہر کے ایک سوال پر سارہ علی خان اپنے اور کرکٹر شبمن گل کے تعلقات کی افواہوں پر ردعمل کا اظہار کیا۔
سارہ علی خان نے شبمن کے ساتھ تعلقات کی خبر کی تردید کرتے ہوئے کہا کہ ــپوری دُنیا غلط سارہ کے پیچھے پڑگئی ہے، میں وہ سارہ نہیں ہوں، آپ غلط سمجھ رہے ہیں۔
اُنہوں نے اپنی بات جاری رکھتے ہوئے کہا کہ ’’دراصل شبمن گل اور سابق بھارتی کرکٹر سچن ٹنڈولکر کی بیٹی سارہ ٹنڈولکر کے درمیان تعلقات کی افواہیں ہیں۔
اداکارہ نے مزید کہا کہ سارہ ٹنڈولکر کو آئی سی سی ورلڈ کپ کے جاری میچوں میں بھارتی ٹیم کی حوصلہ افزائی کرتے ہوئے بھی دیکھا گیا ہے۔
واضح رہے کہ آئی سی سی نے نئی ون ڈے رینکنگ جاری کردی جس میں بھارت کے نوجوان کرکٹر شبمن گل پاکستانی کپتان بابراعظم کو پیچھے چھوڑتے ہوئے پہلی پوزیشن پر پہنچ گئے ہیں۔
