نیپرا نے ماہانہ فیول ایڈجسٹمنٹ کی مد میں بجلی 10 پیسے فی یونٹ مہنگی کرنے پر فیصلہ محفوظ کرلیا۔ دوران سماعت سینٹرل پاور پرچیزنگ ایجنسی نے خبردار کیا کہ پاور سیکٹر کیلئے گیس کی قمیتوں میں اضافے سے مستقبل میں بجلی ٹیرف میں ایک روپیہ فی یونٹ اضافہ ہوگا، بجلی کی فروخت نہ بڑھی تو گردشی قرض پر سود کی ادائیگی کیلئے سرچارج بھی بڑھ سکتا ہے۔
سرکاری ڈسکوز کیلئے بجلی کی قیمتوں میں ایک ماہ کیلئے 10 پیسے فی یونٹ اضافے کی سی پی پی اے کی درخواست پر نیپرا میں سماعت مکمل ہوگئی۔
ایجنسی نے مئی کیلئے 10 پیسے اضافے کی درخواست کر رکھی تھی، درخواست منظوری کی صورت میں صارفین پر ایک ارب 25 کروڑ روپے کا مجموعی بوجھ پڑے گا۔
رپورٹ کے مطابق مئی میں ریفرنس فیول پرائس 7 روپے 39 پیسے مقرر تھی جبکہ اپریل میں ریفرنس فیول پرائس 7 روپے 49 پیسے رہی۔ نیپرا نے سرکاری ڈسکوز کیلئے مئی کے ماہانہ فیول ایڈجسٹمنٹ کی مد میں بجلی نرخ میں 10 پیسے اضافے پر سماعت مکمل کرلی، اتھارٹی ڈیٹا کی جانچ پڑتال کے بعد فیصلہ کرے گی۔
سی پی پی اے کے مطابق اس وقت گردشی پر سود ادائیگی کیلئے بجلی صارفین سالانہ 323 ارب روپے ادا کرتے ہیں۔
دوران سماعت سینٹرل پاور پرچیزنگ ایجنسی نے خبردار کیا کہ پاور سیکٹر کیلئے گیس کی قمیتوں میں اضافے سے مستقبل میں بجلی ٹیرف میں ایک روپیہ فی یونٹ اضافہ ہوگا، بجلی کی فروخت نہ بڑھی تو گردشی قرض پر سود کی ادائیگی کیلئے سرچارج بھی بڑھ سکتا ہے۔
