کمشنر ساہیوال نے پاکپتن کے ڈسٹرکٹ ہیڈکوارٹر اسپتال میں ایک ہفتے کے دوران 20 بچوں کی اموات کا نوٹس لے لیا۔
ساہیوال ٹیچنگ اسپتال کے ٹیکنیکل اسٹاف پر مشتمل نئی انکوائری کمیٹی بنادی۔ کمیٹی نئے سرے سے تحقیقات کرے گی اور پانچ روز میں رپورٹ پیش کرے گی۔
ذرائع کے مطابق ڈی ایچ کیو اسپتال میں 16 جون سے 22 جون کےدوران 20بچوں کی اموات رپورٹ ہوئی تھیں، 19جون کو اسپتال کے چلڈرن وارڈ میں 5 بچوں کی اموات ہوئی تھیں۔
خیال رہے کہ متوفی بچوں کے ورثا نے الزام عائد کیا تھا کہ عملے کی غفلت اورآکسیجن کی کمی سے بچوں کی اموات ہوئیں۔
