پشاور میں دہشت گردی کا بڑا منصوبہ ناکام بنادیا گیا، جہاں کاؤنٹر ٹیررازم ڈیپارٹمنٹ (سی ٹی ڈی) نے خودکش حملہ آور سمیت 2 دہشت گردوں کو ہلاک کردیا۔
سی ٹی ڈی کے مطابق پشاور کے نواحی علاقے شمشتو ارمڑ میں دہشت گردی کی بڑی کوشش ناکام بنادی گئی، جہاں فتنہ الخوارج کا خودکش حملہ آور سہولت کار سمیت ہلاک کردیا گیا۔
ترجمان کے مطابق خودکش حملہ آور کا تعلق افغانستان اور کالعدم تنظیم سے ہے ۔ حکام کے مطابق دہشت گردعناصر کی موجودگی کی اطلاع پر خفیہ آپریشن کیا گیا۔
ہلاک دہشتگردوں کے قبضے سے خودکش جیکٹ ایس ایم جی اور اسلحہ برآمد ہوا۔ دہشت گرد حساس تنصیبات کو نشانہ بنانا چاہتے تھے۔ دہشت گرد پولیس کو متعدد مقدمات میں مطلوب تھا۔
