بلوچستان کے ضلع بارکھان اور موسی خیل زلزلے کے شدید جھٹکے محسوس کیے گئے۔
زلزلہ پیما مرکز کے مطابق زلزلے کی شدت 5.3 ریکارڈ کی گئی ہے، زلزلے کی گہرائی 10کلومیٹر زیر زمین تھی۔ زلزلے کا مرکز موسیٰ خیل سے 56کلو میٹر شمال مشرق میں تھا۔
زلزلے کے بعد شہریوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے۔
پی ڈی ایم اے کے مطابق زلزلے سے 3افراد زخمی ہوئے،7گھروں کو نقصان پہنچا، زلزلے سے مزید نقصانات کا سروے کیا جارہا ہے۔





















