انٹرنیشنل کرکٹ کونسل (آئی سی سی) نے ون ڈے پلیئرز کی نئی رینکنگ جاری کر دی۔
نئی درجہ بندی کے مطابق بھارت کے شبمن گل نے بابراعظم سے پہلی پوزیشن چھین لی، پاکستان کے کپتان بابراعظم پہلی پوزیشن سے محروم ہوگئے۔ بابراعظم 3 سال تک دنیا کے نمبر ون بلے باز رہے۔
دوسری جانب بولرز رینکنگ میں شاہین آفریدی سے بھی پہلی چھن گئی، شاہین آفریدی پہلے سے 5 ویں نمبر پر چلے گئے۔ نئی درجہ بندی میں بھارت کے محمد سراج کا پہلے، مہاراج دوسرے، ایڈم زمپا تیسرے اور کلدیپ یادیو چوتھے نمبر پر موجود ہیں۔
اعلامیے کے مطابق آل راؤنڈرز رینکنگ میں آسٹریلیا کے گلین میکسویل 4 درجہ بہتری کے بعد چھٹے نمبر پر پہنچ گئے جبکہ بنگلہ دیش کے شکیب الحسن بدستور پہلی پوزیشن پر براجمان ہیں۔
