ڈی جی آئی ایس پی آر کا کہنا ہے کہ پاکستانی افواج آئینی دائرے میں ریاستی ذمہ داریاں نبھا رہی ہیں۔
ڈی جی آئی ایس پی آر لیفٹیننٹ جنرل احمد شریف سے کراچی میں سیلانی آئی ٹی پروگرام کے طلباء نے ملاقات کی۔ طلباء نے ڈی جی آئی ایس پی آر لیفٹیننٹ جنرل احمد شریف کا والہانہ استقبال کیا۔
ترجمان پاک فوج نے کہا کہ خطے میں نیٹ ریجنل اسٹیبلائزر کا کردار ادا کرتے رہیں گے۔ بنیان مرصوص کی کامیابی دراصل امن کی جیت ہے۔ پاکستان نے ہمیشہ جنگ پر امن کو ترجیح دی ہے۔
ڈی جی آئی ایس پی آر نے کہا کہ پاکستان کی افواج منظم اور پیشہ ور ہیں جو آئین کے تحت اور ریاستی احکامات کے مطابق اپنے فرائض بخوبی سرانجام دے رہی ہیں۔
ترجمان پاک فوج نے نوجوانوں کو مخاطب کرتے ہوئے کہ آپ لوگوں نے معلومات کی جنگ میں پاکستان کے ہراول دستے کا کردار ادا کیا ہے۔ طلباء نے پاک افواج سے اپنی محبت کا اظہار کرتے ہوئے کہا ہم اپنے وطن کی خاطر ہر محاذ پر قربانی دینے کو تیار ہیں۔ پاک فوج ہماری پہچان ہے اور ہم ہی ان کی اصل طاقت ہیں۔
