انگلش فٹبال کلب مانچسٹر یونائیٹڈ بھی پاکستانی کرکٹ اسٹار نسیم شاہ کے مداح نکلا، تصویر اپنے سوشل میڈیا اکاؤنٹ سے شیئر کردی۔ نوجوان اسپیڈ اسٹار اس وقت انجری سے صحت یاب ہو رہے ہیں۔
نسیم شاہ کندھے کی انجری کے باعث آئی سی سی مینز ون ڈے ورلڈ کپ 2023ء سے باہر ہوگئے تھے۔
حال ہی میں پاکستان کے سابق کرکٹر محمد یوسف اور نوجوان فاسٹ بولر نسیم شاہ نے مانچسٹر یونائیٹڈ اور نیو کاسل کے درمیان اولڈ ٹریفورڈ کے درمیان ہونے والا مقابلہ دیکھا۔
View this post on Instagram
اب مانچسٹر یونائیٹڈ کے مداحوں کو پتہ چلا ہے کہ 'محبت' یکطرفہ نہیں ہے۔
انگلش فٹ بال کلب نے اپنے آفیشل انسٹاگرام ہینڈل پر پاکستانی اسپیڈ اسٹار کی ایک تصویر بھی شیئر کردی۔ جس کے کیپشن میں لکھا گیا ہے کہ ’’یونائیٹڈ ہم تم سے پیار کرتے ہیں‘‘۔
View this post on Instagram
شیئر کی گئی تصویر میں نسیم شاہ مانچسٹر یونائیٹڈ کا مفلر پہن کر فٹبال کلب کے لوگوں کے سامنے کھڑے دکھائی دے رہے ہیں۔
واضح رہے کہ پاکستان ٹیم کو ورلڈ کپ میں اپنے نوجوان فاسٹ بولر کی کمی شدت سے محسوس ہورہی ہے۔
