بانی پی ٹی آئی نے پنجاب میں بنائی جانے والی چار رکنی سیاسی کمیٹی پر شدید تحفظات کا اظہار کر دیا۔پارٹی قیادت کو ہدایت کی ہے کہ عالیہ حمزہ کو سیاسی کمیٹی کا سربراہ بنا کر دوبارہ نوٹیفکیشن جاری کیا جائے۔
بانی پی ٹی آئی نے عالیہ حمزہ کو پنجاب میں سیاسی کمیٹی کا سربراہ مقرر کردیا،سینیٹرعلی ظفر کے ذریعے پارٹی لیڈر شپ کو پیغام بھی بھجوا دیا،سیاسی کمیٹی میں سلمان اکرم راجہ،عمر ایوب،احمد خان بھچر اورعثمان اکرم شامل تھے۔
پارٹی رہنماؤں نے عالیہ حمزہ کے اوپر بنائی جانے والی کمیٹی سے بانی کو آگاہ کیا تھا جس پر بانی نے پنجاب میں بنائی جانے والی کمیٹی پر شدید تحفظات کا اظہار کرتے ہوئے سینٹر علی ظفر کو ہدایت کی کہ عالیہ حمزہ کو کمیٹی کا سربراہ مقرر کیا جائے اور فردوس شمیم نقوی کو فیصلے سے آگاہ کیا جائے۔۔
اڈیالہ جیل میں صحافیوں سے غیر رسمی گفتگو میں سینیٹر علی ظفر وکیل عالیہ حمزہ۔ علی عمران اور وکیل فیصل چوہدری نے اس بات کی تصدیق کردی۔
