پی سی بی نے بنگلادیش کیخلاف سیریز کے شیڈول کا اعلان کردیا۔
تفصیلات کے مطابق پاکستان اور بنگلہ دیش کے درمیان پہلا ٹی ٹونٹی میچ 28 مئی کو کھیلا جائےگا،دوسرا ٹی ٹوئنٹی 30 مئی جبکہ تیسرا اور آخری میچ یکم جون کو ہونے کا امکان ہے۔
بنگلہ دیش کی ٹیم 25 مئی کو لاہورپہنچےگی،سیریز سے قبل 26 اور 27 مئی کو بنگلہ دیش کرکٹ ٹیم ٹریننگ سیشنزمیں حصہ لے گی،تینوں میچز مقامی وقت کے مطابق رات 8 بجے شروع ہوں گے۔
گزشتہ روز بنگلہ دیش کرکٹ بورڈ اور پی سی بی چئیرمین کے درمیان سیریز کے حوالےسے تفصیلی گفتگو ہوئی تھی۔
بنگلہ دیش کےخلاف ٹی 20 سیریز میں سلمان علی آغا قومی کرکٹ ٹیم کی قیادت کرینگے جبکہ شاداب خان نائب کپتان ہوں گے۔ کھلاڑیوں میں ابراراحمد، فہیم اشرف، فخرزمان، حارث رؤف، حسن علی اور حسن نواز شامل ہیں۔
حسین طلعت، خوشدل شاہ، محمدعرفان، محمدحارث، محمدوسیم، نسیم شاہ، صاحبزادہ فرحان اور صائم ایوب بھی قومی اسکواڈ کا حصہ ہوں گے۔ پاکستان اور بنگلہ دیش کے درمیان 3 ٹی20 میچز لاہور میں کھیلے جائیں گے۔
