پاکستان اور نیوزی لینڈ کے درمیان جاری میچ میں بارش نے رنگ میں بھنگ ڈال دیا ہے لیکن اگر 7 بج کر 10 منٹ تک بارش نہ رکی تو میچ ختم کر دیا جائے گا اور پاکستان 21 رنز سے فاتح قرار پائے گا۔
پاکستان 25.3 اوورز میں ایک وکٹ کے نقصان پر 200 رنز بنا چکا ہے جبکہ بارش کے باعث میچ 41 اوورز تک محدود کر دیا گیا تھا یعنی اس وقت پاکستان کو 93 گیندوں پر 142 رنز درکارہیں لیکن ایک مرتبہ پھر بارش نے ڈیرے ڈال لیئے ہیں ، دک ورتھ لوئس میتھڈ کے تحت پاکستان مقررہ حد سے 25 رنز آگے یعنی اگر بارش نہیں رکتی تو ڈک ورتھ لوئس میتھڈ کے تحت پاکستان ہی فاتح قرار پائے گا ۔قومی ٹیم کے بلے باز بابراعظم 66 اور فخر زمان 126 رنز کے ساتھ وکٹ پر موجود ہیں ۔
یاد رہے کہ نیوزی لینڈ نے پاکستان کو جیت کیلئے 402 ر نز کا ہدف دیا ہے جس کے جواب میں پاکستان کی بہترین بلے بازی جاری تھی اور فخر زمان نے چھکوں کی بارش جاری رکھی ہوئی تھی لیکن بارش کے بارث میچ کو روک دیا گیا ۔
