خیبر پختونخوا میں مارکیٹ بیس بھرتیوں کیلئے ماہانہ تنخواہوں کے سلیب کی پالیسی کی منظوری دے دی گئی، 15 سالہ حامل شعبے کے ماہرین کو 9 لاکھ روپے ماہانہ تنخواہ دی جائے گی۔
خیبر پختونخوا محکمہ خزانہ کے جانب سے جاری اعلامیہ میں کہا گیا کہ کابینہ نے مارکیٹ بیس کنٹریکٹ بھرتی ہونے والے ماہرین کیلئے تنخواہوں کے سلیب اور پالیسی 2025ء کی منظوری دے دی۔
نئی پالیسی کے مطابق 15 سالہ تجربہ کے حامل ماہرین کو 9 لاکھ روپے ماہانہ تنخوا دی جائے گی، 10 سالہ تجربہ کار کو ماہانہ 4 لاکھ 48 ہزار روپے، پانچ سالہ تجربہ کے حامل افسر کو 3 لاکھ 5 ہزار جبکہ فریش بھرتی ہونیوالے افسر کو ڈیڑھ لاکھ روپے تنخواہ ملے گی۔
رپورٹ کے مطابق ضرورت کی بنیاد پر بھرتی افسران کی تقرری 3 سال کیلئے ہوگی جبکہ اس میں 2 سال کی توسیع مل سکے گی، بھرتی کا عمل 3 رکنی کمیٹی کرے گی، جس میں متعلقہ محکمے، فنانس اور محکمہ انتظامیہ کے اعلی افسران شامل ہونگے۔
نئی پالیسی کے مطابق کنٹریکٹ پر لئے جانیوالے افراد کو کسی قسم کی پنشن کا حق حاصل نہیں ہوگا۔
