پاکستان نے بھارتی جارحیت کے جواب میں آج علی الصبح بھرپور جوابی کارروائی کی ہے جسے آپریشن بنیان المرصوص (آہنی دیوار) کا نام دیا گیا ہے۔
پاکستان نے رات کی تاریکی میں حملہ کرنے والے ازلی دشمن کو دن کے اجالے میں زوردار جواب دے دیا۔
سیکیورٹی ذرائع نے تصدیق کی کہ پاکستان نے نماز فجر کے وقت بھارت کے خلاف آپریشن بنیان مرصوص کا آغاز کیا اور ’ فتح ‘ میزائل داغے ہیں اور اس وقت بھارت میں متعدد اہداف کو نشانہ بنایا جا رہا ہے۔
سیکیورٹی ذرائع نے بتایا کہ وہ تمام بیسز جن سے بھارت نے پاکستان پر حملہ کیا انہیں نشانہ بنایا گیا اور آپریشن میں بھارت کی پٹھان کوٹ میں ائیرفیلڈ اور اودھم پور ائیربیس کو تباہ کر دیا گیا ہے جبکہ پاکستان نے بیاس کے علاقے میں براہموس میزائل کا ڈپو بھی تباہ کردیا ہے۔
سیکیورٹی ذرائع نے بتایا کہ ادھم پور ائیربیس کو 3 میزائلوں سے نشانہ بنایا گیا۔
بھارتی بریگیڈ ہیڈ کوارٹر ’کے جی ٹاپ ‘ اور سپلائی ڈپو اڑی کو تباہ کر دیا گیا ہے۔
بھارت کا S-400 سسٹم تباہ
پاکستان ائیر فورس کے جے ایف 17 تھنڈر کے ہائپر سونک میزائلوں نے آدم پور میں بھارت کا S-400 سسٹم تباہ کر دیا۔
S -400 ائیر ڈیفنس سسٹم کی مالیت لگ بھگ 1.5 بلین ڈالر ہے۔
پاکستانی میزائلز کا نشانہ بننے والے بھارتی ٹارگٹس
بیاس براہموس میزائل اسٹوریج سائٹ
براہموس سٹوریج سائٹ نگروٹا کو بھی تباہ کر دیا گیا
اودھم پور
فضائی دفاعی نظاموں کو نشانہ بنا کر مکمل طور پر تباہ کر دیا گیا
فضائی اڈے پر حملہ کیا گیا اور شدید نقصان پہنچا
پٹھان کوٹ
فضائی اڈے پر میزائل سے انتہائی درست حملہ کیا گیا
جالندھر
فضائی اڈے کو جاری حملوں میں نشانہ بنایا گیا
گجرات
متعدد فضائی اڈوں اور مقامات کو نشانہ بنایا گیا
دہلی ریجن
میزائل انٹرسیپٹ ہوا تاہم دہلی اب بھی ممکنہ ہدف ہے۔
راجستھان
فوجی تنصیبات کو نشانہ بنایا گیا
سری نگر
فضائی اڈے پر حملہ کیا گیا
20 فوجیوں کی ہلاکت کی تصدیق
چندی گڑھ
اسلحہ کا ذخیرہ نشانہ بنا کر غیر فعال کر دیا گیا
مجموعی طور پر 20 سے زائد بھارتی فوجی مقامات کو نشانہ بنایا گیا جبکہ شمالی بھارت بھر میں وسیع پیمانے پر نقصان پہنچا۔
سورت گڑھ ایئرفیلڈ
پاکستان نے بھارت کی سورت گڑھ ایئرفیلڈ بھی تباہ کردی ہے۔
آدم پور ائیر فیلڈ
آدم پور ائیر فیلڈ کو بھی تباہ کردیا گیا ہے جہاں سے امرتسر میں سکھوں ، پاکستان اور افغانستان پر حملہ کیا گیا تھا۔
بھارتی آرٹلری گن پوزیشن دہرنگیاری تباہ
70 فیصد بجلی گھر تباہ
سیکیورٹی ذرائع نے بتایا کہ سائبر حملے کے زریعے بھارت کے 70 فیصد بجلی گھروں کو بھی ناکارہ کر دیا گیا ہے۔
دوسری جانب بھارتی میڈیا کے مطابق راجوڑی میں بھارت کا ایک سینیئر انتظامی افسر بھی مارا گیا ہے اور افراتفری کی صورتحال ہے جبکہ کوئی سرکاری اہلکار کچھ بتانے کی پوزیشن میں نہیں ہے۔
بھارت کے 32 ایئرپورٹس بند
غیر ملکی میڈیا کے مطابق بھارت کے 32 ایئرپورٹس پر فضائی سروس بند کردی گئی ہے۔
غیر ملکی میڈیا کی جانب سے کہا گیا کہ 15 مئی تک 32 بھارتی ایئرپورٹس کی تمام پروازیں منسوخ کر دی گئی ہیں۔
پاکستانی ڈرونز دہلی میں
پاکستانی ڈرونز نئی دہلی پہنچ گئے ہیں اور بھارتی دارالحکومت میں پاکستانی ڈرونز کی پروازیں اور اڑانیں بھی جاری ہیں۔
بھارتی میڈیا کی جانب سے تصدیق کی گئی کہ پاکستان کے مسلح ڈرون فیروز پور سے بھی ٹکرائے ہیں۔
پاکستانی کی قیادت کا فیصلہ
پاکستان کی سیاسی و عسکری قیادت نے فیصلہ کیا ہے کہ بھارت نے مزید جارحیت دکھائی تو ٹارگٹ ہائی ویلیو ہوگا۔
وزیر اعظم شہباز شریف نے نیشنل کمانڈ اتھارٹی کی میٹنگ بھی طلب کر لی ہے۔
ڈی جی آئی ایس پی آر کا بھارت کو پیغام
یاد رہے کہ اس سے قبل ڈی جی آئی ایس پی آر نے تصدیق کی تھی بھارت نے پاکستان کی تین ایئر بیسز پر میزائل حملے کیئے ہیں۔
ڈی جی آئی ایس پی آر نے بتایا تھا کہ بھارت نے اپنی ننگی جارحیت کو جاری رکھتے ہوئے کچھ دیر قبل اپنے طیاروں سے فضاء سے زمین پر میزائل داغے ہیں جن میں نور خان بیس ، مرید بیس اور شور کوٹ بیس کو نشانہ بنایا گیا ہے ، اب تک کی اطلاعا ت کے مطابق الحمدواللہ ایئر فورس کے تمام اثاثے محفوظ ہیں۔
ڈی جی آئی ایس پی آر نے بھارت کو پیغام دیا تھا کہ ’ اب بھارت ہمارے جواب کا انتظار کرے۔
