بھارتی ریاست اتراکھنڈ میں ہیلی کاپٹر گر کرتباہ ہوگیا۔
بھارتی میڈیا کے مطابق بھارتی ریاست اتراکھنڈ کے علاقے اترکاشی میں ہیلی کاپٹر گر کرتباہ ہوگیا، حادثے میں 5افراد ہلاک جبکہ 2زخمی ہوگئے۔
مقامی حکام کے مطابق یہ حادثہ اترکاشی کے گنگانی کے قریب پیش آیا، جس میں 5 یاتری ہلاک جبکہ دو زخمی ہوگئے۔ ہیلی کاپٹر میں 6 افراد سوار تھے۔
ہیلی کاپٹر نے دہرادون سے اڑان بھری، جو گنگانی سے پہلے ناگ مندر کے قریب گر کر تباہ ہو گیا۔ ساتھ ہی ہیلی کاپٹر کے حادثے کی اطلاع ملنے پر ڈیزاسٹر مینجمنٹ کیو آر ٹی نے 108 ایمبولینس گاڑیوں کو موقع پر روانہ کیا۔
