پاکستان سپر لیگ ( پی ایس ایل ) کی فرنچائز پشاور زلمی کے کپتان بابر اعظم انجری کا شکار ہوگئے۔
ذرائع کے مطابق پشاور زلمی کے کپتان بابر اعظم گزشتہ روز پریکٹس کے دوران انگلی پر گیند لگنے سے زخمی ہوئے ہیں جس کے بعد انہیں اسپتال لے جایا گیا اور اسکین کروایا گیا۔
ذرائع نے بتایا کہ بابر اعظم کی انگلی فریکچر ہونے کی اطلاع ہے جس کے باعث انکی کراچی کنگز کے خلاف میچ میں شرکت مشکوک ہوگئی ہے۔
ذرائع نے دعویٰ کیا کہ بابر اعظم کا انجری کے باعث ٹورنامنٹ سے باہر ہونے کا امکان ہے۔
بابر اعظم کی انجری پر اپڈیٹ پشاور زلمی جلد جاری کرے گا۔
یاد رہے کہ آج پشاور زلمی کراچی کنگز کے خلاف میدان میں اترے گی۔
