پاک بھارت جنگ کے تناظر میں پی ایس ایل 10 میچز سے متعلق اہم اعلان کردیا گیا۔ پی سی بی کا کہنا ہے کہ ایونٹ شیڈول کے مطابق جاری رہے گا۔
بھارت نے پاکستان کے 6 شہروں پر 20 سے زائد حملے کئے جس کے جواب میں فورسز نے بھرپور کارروائی کی اور رافیل سمیت بھارت کے 5 طیارے تباہ کردیئے۔
پاک بھارت جنگ کے تناظر میں پی سی بی نے اہم بیان جاری کردیا۔ پاکستان کرکٹ بورڈ نے پی ایس ایل 10 جاری رکھنے کی تصدیق کر دی۔
پی سی بی کا کہنا ہے کہ اسلام آباد یونائیٹڈ اور کوئٹہ گلیڈی ایٹرز کا میچ آج راولپنڈی کرکٹ اسٹیڈیم میں شیڈول کے مطابق کھیلا جائے گا۔
بورڈ کے مطابق پی ایس ایل میں 7 سے 10 مئی 4 میچز راولپنڈی میں شیڈول ہیں، گروپ اسٹیج کا آخری میچ 11 مئی کو ملتان میں کھیلا جائے گا۔
پی سی بی کا کہنا ہے کہ پلے آف مرحلے کا کوالیفائر 13 مئی کو راولپنڈی میں ہوگا، ایلیمینیٹر اور فائنل 14، 16 اور 18 مئی کو قذافی اسٹیڈیم میں ہوں گے۔
