صدر استحکام پاکستان پارٹی اور وفاقی وزیرعبدالعلیم خان کا بھارتی گیدڑ بھبھکیوں پرسخت جواب دیتے ہوئےکہاپاکستان کوجنگ کا شوق نہیں مگرجنگ کاکوئی خوف بھی نہیں،ہم پر جنگ مسلط کی گئی تو منہ توڑ جواب ملے گا۔
عبدالعلیم خان کا مزید کہنا تھا کہ پاکستان امن پسند ملک ہے اور امن پسندی کی ہمیشہ حمایت کی ۔ ہماری امن پسندی کو کمزوری سمجھا گیا تو دشمن خود ذمہ دار ہو گا،پاکستان دشمن کو وہ حشر کرے گا جس کا اس نے تصور بھی نہیں کیا ہوگا ۔
مزیدکہا لائن آف کنٹرول پر بلا اشتعال کاروائیوں کا افواج پاکستان نےبھرپور جواب دیا،دشمن کے مورچے تباہ اوربھارتی توپیں خاموش کر دی گئیں،بھارت جارحیت سے باز نہ آیا تو آئندہ اس سے بھی سخت جواب ملے گا۔
وفاقی وزیر نےکہا دنیا جانتی ہے پاکستان نے دہشت گردی کے خلاف طویل جنگ میں نوے ہزار جانوں کی قربانی دی پانچ سو ارب ڈالر کا نقصان کیا،پاکستان پر بھارتی الزام تراشی ایک بھونڈی حرکت ہے ۔ اقوام عالم پاکستان کے موقف کی حمایت کر رہی ہیں ۔
