خیبر:منکی پاکس پھیلاؤ خدشات کے پیش نظر جمرود کے علاقے پمپ ہاوس غنڈی میں سمارٹ لاک ڈاؤن نافذ کردیا گیا ہے۔
، ڈپٹی کمشنر خیبر کیپٹن (ر) بلال شاہد راوکاکہنا ہےکہ سمارٹ لاک ڈاون 12 دن کیلئےنافذ کیا گیا ہے،لاک ڈاؤن کےدوران محلہ پمپ ہاوس غنڈی سے ان آوٹ انٹری بند رہےگی،سمارٹ لاک ڈاؤن لگانےکا مقصد منکی پاکس کے پھیلاؤ کو روکنا ہے۔
محلہ پمپ ہاوس غنڈی میں منکی پاکس کیس رپورٹ ہونے کی وجہ سے سمارٹ لاک ڈاؤن لگایا گیا،لاک ڈاون کے دوران صرف ضروری اشیاء خوردنوش، ادویات، جنرل سٹور، تندور اور ایمرجنسی سروسز کی دکانیں کھلی رہیں گی۔
اسسٹنٹ کمشنرجمرود اور خیبر پولیس کو لاک ڈاؤن پر عمل درآمد کے حوالے سے ہدایات جاری کی گئی ہے۔خلاف ورزی کر نے والوں کے خلاف قانونی کاروائی عمل میں لائی جائے گی۔
