پہلگام واقعہ کے بعد بھارت کو سفارتی،میڈیااورعسکری محاذ کی طرح سائبروار میں بھی بری ناکامی کا سامناہوا ہے،بھارتی ہیکرزکی پاکستانی اداروں کی ویب سائٹس ہیک کرنےکی کوشش ناکام بنا دی گئی۔
بھارتی ہیکرزکی پاکستان کی اہم وزارتوں کی ویب سائٹ کو ہیک کرنے کی کوشش پاکستانی ماہرین نے ناکام بنا دی،بھارتی ہیکرزکسی بھی ویب سائٹ کو ہیک کرنے اورڈیٹا تک رسائی میں ناکام رہے،وفاقی وزیر آئی ٹی شزہ فاطمہ نے بھی سائبر حملوں کی تصدیق کردی۔
بھارتی ہیکرز نےنامعلوم سوشل میڈیا اکاؤنٹس کےذریعےدعویٰ کیا کہ انہوں نےسپریم کورٹ،پاک آرمی، سندھ پولیس اورحبیب بینک سمیت اہم ویب سائٹس کو نشانہ بنایا تاہم پی ٹی اے نے ان دعوں کی تردید کردی۔
ڈائریکٹر جنرل نیشنل سرٹ کے مطابق جاری کی گئی ایڈوائزری میں تمام وزارتوں اور محکموں کو قومی مفادات اور ڈیٹا کے تحفظ کے لیے چوکنا رہنے اور ضروری اسٹریٹجک سائبر سیکیورٹی اقدامات اٹھانے کی ہدایت کی گئی ہے۔
