پاک فوج نے بھارت کی ایک اور پاکستانی فضائی حدود کی خلاف ورزی کی کوشش ناکام بناتے ہوئے دوسرا کواڈ کواپٹرمار گرایا ہے ۔
سیکیورٹی ذرائع کے مطابق لائن آف کنٹرول پر پاک فوج کا بھارت کو منہ توڑ جواب جاری ہے ، پاک فوج نے لائن آف کنٹرول پر ایک ہی روز میں بھارتی فوج کے 2کواڈ کواپٹر مار گرائے۔
پاک فوج نے لائن آف کنٹرول کے ستوال سیکٹر پر پاکستانی حدود میں داخل ہونے کی کوشش کرنے والے بھارتی فوج کے ایک اور کواڈ کاپٹر کو مار گرایا ہے ، بھارتی فوج کا کواڈ کاپٹر پاکستانی علاقے میں جاسوسی کر رہا تھا۔ تباہ کیئے جانے والا کواڈ کاپٹر Phantom-4ہے ۔
اس سے قبل آج دن کوپاک فوج نے بھارتی 5آسام رجمنٹ کا ایک اور کواڈ کا پٹر بھمبر کے علاقے مناور سیکٹر میں مار گرایا تھا ۔
دفاعی ماہرین کا کہنا ہے کہ بھارتی فوج کی جانب سے غیر ذمہ دارانہ ایکشنز حالات میں مزید کشیدگی کا باعث بن رہے ہیں، یہ واقعہ پاک فوج کی پیشہ ورانہ مہارت، دفاعی تیاری اور چوکسی کا منہ بولتا ثبوت ہے، دشمن کی طرف سے اس طرح کی حرکتیں خطے کے امن کو سبوتاژ کرنے کی دانستہ کوششیں ہیں۔
پاک فوج ہر قسم کی جارحیت کا منہ توڑ اور مؤثر جواب دینے کے لیے ہمہ وقت تیار ہے۔
