پی ٹی آئی کارکن صنم جاوید اور ان کے شوہر عتیق احمد کو گرفتار کرلیا گیا۔ صنم جاوید کے شوہر عتیق احمد کو وزیر اطلاعات پنجاب عظمیٰ بخاری کی اے آئی ویڈیو بنا کر وائرل کرنے کے کیس میں گرفتار کیا گیا۔
پاکستان تحریک انصاف کی کارکن صنم جاوید اور ان کے شوہر عتیق احمد کو لاہور سے گرفتار کرلیا گیا۔ صنم کو ٹاؤن شپ پولیس لاہور نے گرفتار کرلیا جبکہ ان کے شوہر عتیق احمد کو ایف آئی اے نے گرفتار کیا۔
پی ٹی آئی کی کارکن صنم جاوید کے خلاف 7 اے ٹی اے کی دفعات پر کیس درج ہے جبکہ عتیق کو صوبائی وزیر اطلاعات عظمی بخاری کے کیس میں گرفتار کیا گیا ہے، ان پر الزام ہے کہ انہوں نے عظمی بخاری کی اے آئی ویڈیوز بناکر وائرل کیں۔
