سعودی ایوی ایشن گاکا کی جانب سے حج پروازوں سے متعلق شیڈول جاری کردیا گیا ہے۔
گاکا کی جانب سے جاری کردہ نوٹیفکیشن کے مطابق قبل از جج پروازوں کا آغاز 9 مئی 2024 سے ہوگا جبکہ بعد از حج پروازوں کی واپسی کا سلسلہ 20 جون سے شروع ہوگا۔
نوٹیفیکشن کے مطابق پروازوں کی سعودی عرب آمد کا سلسلہ 10 جون تک جاری رہے گا۔
حجاج کرام کی سعودی عرب سے واپسی کا عمل 20 جون سے شروع ہوگا جبکہ آخری حج پرواز 21 جولائی 2024 کو روانہ ہوگی۔
نوٹیفیکشن میں کہا گیا کہ پاکستان انٹرنیشنل ایئر لائن ( پی آئی اے ) سمیت دیگر ممالک کی ائیرلائنز سے قبل از وقت اور بعد از حج فلائٹ آپریشن سے متعلق درخواستیں یکم جنوری 2024 تک جمع کروائی جاسکتی ہیں۔
