غیرقانونی تارکین کوملک واپس بھیجنےکااقدام لاہورہائیکورٹ میں چیلنج کردیا گیا۔
غیر قانونی تارکین کو ملک واپس بھیجنے کے اقدام پر شہری خیال نورو اور دیگر نے درخواست دائر کی،درخواست میں موقف اختیار کیا گیا کہ غیرملکیوں کو ملک سے واپس بھیجنا آئین پاکستان کے خلاف ہے۔
لاہور ہائیکورٹ آفس نے درخواست پر اعتراض عائد کردیا۔ غیرقانونی مقیم افراد کو بھیجنے کے نوٹیفکیشن کو نہ لگانے کا اعتراض لگایاگیا، جسٹس علی باقر نجفی بطور اعتراضی درخواست پر سماعت کریں گے۔
کراچی میں غیر قانونی مقیم افراد کے انخلا کی تیاری شروع غیر قانونی تارکین وطن کو منتقل کرنے کے لئے بسیں ہولڈنگ کیمپ پہنچا دی گئیں۔
حیدرآباد میں غیرقانونی مقیم غیرملکیوں کی ملک بدری کےلئے ہولڈنگ پوائنٹ قائم کر دیا گیا۔ہولڈنگ پوائنٹ میں حیدرآباد اور میرپور خاص ڈویژن کے غیر ملکیوں کو منتقل کیا جائے گا۔
اُدھر منڈی بہاءالدین میں بھی غیر قانونی مقیم غیر ملکی افراد کی بیدخلی کے عمل کا آغاز ہوگیا ہے، نرسنگ ہاسٹل میں کیمپ قائم کردیا گیا۔
نادرا کی جانب سے غیر قانونی غیر ملکی افراد کی رجسٹریشن کا سلسلہ جاری ہے۔
