پہلگام فالس فلیگ واقعہ کی ہندوستانی پولیس سٹیشن میں دائر ایف آئی آر نے مودی حکومت کا جھوٹ بے نقاب کر دیا ہے اور فالس فلیگ آپریشن کی ایف آئی آر نے حملے کو مشکوک بنا دیاہے ۔
سیکیورٹی ذرائع کے مطابق پہلگام پولیس سٹیشن جائے وقوع سے 6 کلومیٹر دور ی پر ہے اور ایف آئی آر میں کہا گیاہے کہ حملہ ایک بج کر 50 منٹ سے شروع ہو کر 2 بج کر 20 منٹ تک جاری رہا جس کی ایف آئی آر کاٹنے کا وقت اڑھائی بجے کا درج ہے یعنی صرف حیران کن طور پر 10 منٹ میں ایف آئی ابھی درج کر لی گئی ، 10 منٹ کے اندر اندر ایف آئی آر درج ہونا پہلے سے بنے بنائے منصوبے کا اشارہ دیتی ہے، ایف آئی آر میں پہلے سے طے شدہ منصوبے کے تحت نامعلوم سرحد پار دہشتگرد نامزد بھی ہو جاتے ہیں، ایف آئی آر کہتی ہے کے مبینہ دہشت گردوں کی طرف سے اندھا دھند فائرنگ کی گئی جبکہ انڈین گورنمنٹ اور میڈیا اسے ٹارگیٹڈ کلنگ کا جھوٹا راگ الاپتا رہا، واقعہ کے دس منٹ کے اندر اندر ایف آئی آر میں “بیرونی آقاؤں کی ایماء پر” جیسے الفاظ پہلے سے شامل کر دیے جاتے ہیں، ایف آئی آر کے سامنے آنے سے مودی حکومت کا پہلگام فالس فلیگ کا بھونڈا ڈرامہ بری طرح بے نقاب ہو چکا ہے، ایف آئی آر میں جھوٹ پکڑے جانے کے بعد مودی کا پہلگام فالس فلیگ ڈرامہ صرف ایک مزاق بن چکا ہے۔
