مسلم لیگ ن کے سینئر رہنماء خواجہ سعد رفیق کا کہنا ہے کہ پہلگام حملے پر بغیر ثبوت پاکستان پر الزام تراشی انتہاء پسند مودی حکومت کا غیر دانشمندانہ عمل ہے، انڈس واٹر سسٹم ٹریٹی کی غیرقانونی منسوخی سمیت پاکستان مخالف بھارتی اقدامات نے علاقے میں ٹینشن بڑھا دی ہے۔
سوشل میڈیا پلیٹ فارمز پر بھارتی فالس فلیگ آپریشن کے پاکستانی ردعمل پر اظہار خیال کرتے ہوئے سعد رفیق کا کہنا تھا پاکستانی اقدامات جوابی کارروائی ہیں، دو ایٹمی طاقتیں آمنے سامنے کھڑی ہیں، جنگ ہوئی تو کسی کا کچھ نہیں بچے گا۔
انہوں نے کہا کہ ہم پہل نہیں کرینگے لیکن حملہ ہوا تو پوری قوت سے جواب دیا جائے گا، بھارت بامعنی مذاکرات جاری رکھتا تو بہت سے متنازعہ مسائل ہو سکتے تھے، سب سے بڑا تاریخی تنازعہ کشمیر ہے، اگر کشمیریوں کو اقوام متحدہ کی قراردادوں کے مطابق استصواب راۓ کا حق مل جائے تو پائیدار امن کی جانب بڑھا جا سکتا ہے۔
خواجہ سعد رفیق کا مزید کہنا ہے کہ پانی، سیاچن، سر کریک سمیت تمام مسائل پر بات ہوسکتی ہے لیکن بھارتی حکومتیں ہمیشہ مذاکرات سے فرار ہو جاتی ہیں، مان لیں کہ ہم ایک دوسرے کو ختم نہیں کرسکتے، جنگ کبھی مسائل حل نہیں ہوا کرتی،ہر مسئلے پر بات چیت کریں۔
ن لیگی رہنماء نے بھارت پر زور دیا کہ راستے بنائیں، امن سے رہنا سیکھیں، پائیدار امن خطے میں خوشحالی اور استحکام لا سکتا ہے۔
