بلوچستان کے ضلع ژوب میں سکیورٹی فورسز نے فائرنگ کے تبادلے میں 6 دہشت گرد وں کو جہنم واصل کر دیا۔
پاک فوج کے شعبہ تعلقات عامہ ( آئی ایس پی آر) سے جاری بیان کے مطابق سکیورٹی فورسز نے خفیہ معلومات کی بنیاد پر بلوچستان کے ضلع ژوب کے علاقے سمبازا میں کارروائی کی،اس دوران فائرنگ کے تبادلے میں 6 دہشت گرد ہلاک ہوگئے۔
جاری بیان کے مطابق ہلاک دہشت گردوں کے قبضے سے بڑی تعداد میں اسلحہ و گولہ بارود برآمد ہوا،ہلاک دہشت گرد سکیورٹی فورسز اور شہریوں پر حملوں میں ملوث تھے۔
آئی ایس پی آر کے مطابق مزید دہشت گردوں کی تلاش کے لئے علاقے میں سرچ آپریشن جاری ہے،سکیورٹی فورسز بلوچستان کا امن و ترقی سبوتاژ کرنے والوں کیخلاف کارروائی کیلئے پرعزم ہے۔
