بھارتی سپر اسٹار کترینہ کیف کی بہن ازابیل کیف نے بالی ووڈ میں قدم رکھ دیا ہے اور ان کی ڈیبیو فلم ’سسواگتم خوش آمدید‘ کا ٹیزر منظرِ عام پر آ گیا ہے جو مداحوں میں زبردست جوش و خروش پیدا کر رہا ہے۔
رومانوی مزاحیہ فلم ’سسواگتم خوش آمدید‘ میں ازابیل کیف بطور مرکزی اداکارہ اپنا جوہر دکھائیں گی جبکہ ان کے مقابل پلکت سمرات مرکزی کردار نبھائیں گے۔
فلم کا ٹیزر محبت، ہنسی اور ثقافتی تنوع سے بھرپور کہانی کی جھلک پیش کرتا ہے۔
ہدایتکار دھیرج کمار کی اس فلم کی کہانی دو مختلف ثقافتوں کے درمیان پنپنے والی ایک منفرد محبت کے گرد گھومتی ہے جو مزاح، جذبات اور ایک خوبصورت سماجی پیغام کو دلکش انداز میں پیش کرتی ہے۔
پلکت سمرات نے سوشل میڈیا پر ٹیزر شیئر کرتے ہوئے لکھا ’ دو دل، دو ثقافتیں، ایک بے مثال محبت کی کہانی۔ ‘
View this post on Instagram
فلم کی کاسٹ میں ازابیل کیف اور پلکت سمرات کے علاوہ سہیل وید، پرینکا سنگھ، آنجہانی رتوراج سنگھ، میگھنا ملک اور ارون بالی شامل ہیں۔
’سسواگتم خوش آمدید‘ 16 مئی 2025ء کو سنیما گھروں میں ریلیز ہوگی۔
