وفاقی وزیرِ خزانہ محمد اورنگزیب کی واشنگٹن میں آئی ایم ایف اور ورلڈ بینک اسپرنگ میٹنگز کے افتتاحی دن اہم ملاقاتیں ہوئیں۔ آئی ایم ایف کی مینیجنگ ڈائریکٹر کرسٹالینا جارجیوا سے ملاقات میں اصلاحات کے تسلسل کاعزم کا اعادہ کیا۔ انہیں وزیرِاعظم شہبازشریف کی جانب سے دورہ پاکستان کی دعوت بھی دی ۔ محمد اورنگزیب امریکی محکمہ خزانہ کے نائب وزیر اور ورلڈ بینک حکام سے بھی ملے۔ یو ایس پاکستان بزنس کونسل کے ظہرانے میں امریکی کاروباری رہنماؤں سے ملاقات کی۔
وزیرِ خزانہ محمد اورنگزیب کا واشنگٹن میں متعدد اعلیٰ سطح کی ملاقاتوں سے آغاز ہوگیا۔ آئی ایم ایف اور ورلڈ بینک گروپ کی سالانہ اسپرنگ میٹنگز 2025 کے پہلےدن آئی ایم ایف کی مینیجنگ ڈائریکٹر کرسٹالیناجارجیوا سےملاقات کی۔ وزیرِ خزانہ نے اسٹاف لیول معاہدہ طے پانے اور آر ایس ایف کے آغاز پر شکریہ ادا کیا۔ ادارہ جاتی اصلاحات کا تسلسل برقرار رکھنےکےحکومتی عزم کا اعادہ بھی کیا۔
محمد اورنگزیب نے امریکی اسسٹنٹ سیکرٹری خزانہ رابرٹ کیپروتھ کے ساتھ ملاقات میں پاکستان کےمعاشی اشاریوں میں بہتری سے آگاہ کیا ۔ ٹیکس نظام ، سرکاری اداروں ، پنشن اور قرضوں کے انتظام سےمتعلق جاری اصلاحات کا بھی بتایا ۔ ورلڈ بینک گروپ کےصدر اجے بانگا سےملاقات میں آبادی میں اضافے اور موسمیاتی چیلنجز سے نمٹنے میں کنٹری پارٹنرشپ فریم ورک کو اہم قرار دیا ۔
وزیرِ خزانہ نے یو ایس پاکستان بزنس کونسل کے ظہرانے میں امریکی کاروباری رہنماؤں سے بھی ملاقات کی ۔ جس میں علاقائی تجارت ، مارکیٹ تنوع پر بات چیت ہوئی ۔۔۔ انہوں نے امریکا سےمعدنیات کے شعبے میں تعاون جاری رکھنےکے عزم کا اظہار کیا ۔
سینیٹر محمد اورنگزیب نے دن کا اختتام کلائمیٹ وَلنریبل فورم اور وی 20 کے سیکرٹری جنرل محمد نشید سے ملاقات کے ساتھ کیا ۔ وزیرِ خزانہ نے پاکستان میں سی وی ایف کے 6 میں سے 4 اہم نتائج کو پاکستان کے موسمیاتی چیلنجز سے نمٹنے کے لیے فیصلہ کن قرار دیا ۔ اور مرحلہ وار مالی معاونت سے منصوبے مکمل کرنے کا عزم دہرایا ۔
