پنجاب حکومت کا فلم انڈسٹری کو پروموٹ کرنے سے متعلق اہم فیصلہ ، وزیراعلیٰ پنجاب نے دو ارب روپے کی گرانٹ تقسیم کرنےکی منظوری دے دی۔
صوبائی حکومت کی جانب سے کیے گئے فیصلے کے تحت مقبول ترین فلمیں بنانے والے فلم سازوں اور ہدایت کاروں کو رقم مل سکے گی اور وزیراعلیٰ مریم نواز نے فلم فنڈز ڈسٹری بیوشن کمیٹی بھی تشکیل دے دی ہے۔
فلم فنڈز ڈسٹری بیوشن کمیٹی کی سربراہ سینئر وزیر مریم اورنگزیب ہوں گی۔
کمیٹی میں وزیرانفارمیشن اینڈ کلچر عظمیٰ بخاری، وزیرخزانہ مجتبیٰ شجاع الرحمن، سیکرٹری انفارمیشن، سیکرٹری پی اینڈ ڈی اور سیکرٹری خزانہ بھی شامل ہوں گے۔
فنڈز ان ہدایت کاروں اور فلم سازوں کو ملیں گے جنہوں نے پانچ سال میں کم ازکم ایک فلم بنائی ہے۔
فنڈز کے حصول کےلئے ضروری ہوگا کہ فلم کا اسکرپٹ اور کاسٹ سے متعلق بھی تفصیلات بتائی جائیں گی۔
