ایس آئی ایف سی کی مؤثر حکمت عملی کے باعث غیر ملکی براہ راست سرمایہ کاری میں 41 فیصد اضافہ ہوگیا۔
توانائی، زراعت و ٹیکنالوجی سمیت دیگر ترجیحی شعبوں میں کاروباری سودے، سرمایہ کاری کے رجحان میں نمایاں اضافہ دیکھا جارہا ہے۔ غیر ملکی براہ راست سرمایہ کاری میں 41 فیصد اضافے کے ساتھ 1.6 ارب ڈالر تک پہنچ گئی۔
معاشی استحکام کے لیے دفاع، آئی ٹی و توانائی سمیت مختلف ترجیحی شعبوں میں تیز رفتار منظوریوں سے سرمایہ کاروں کا اعتماد بحال ہوگیا۔ ایس آئی ایف سی کا "سنگل ونڈو" ماڈل، منصوبہ جاتی سرمایہ کاری اور بین الوزارتی روابط میں نمایاں بہتری آئی۔
ایس آئی ایف سی کی جانب سے رواں مالی سال کے پہلے آٹھ ماہ میں اہم کمپنیوں کے انضمام کی بدولت 148 ملین ڈالر کا حصول معیشت کےلیے خوش آئند ہے۔
سعودی کمپنی 'آرامکو ایشیا' کی جانب سے 'جی او پیٹرولیم' میں 40 فیصد جبکہ مصری کمپنی 'ایم این ٹی ہیلن' کا 'ایڈوانس پاکستان مائیکروفنانس بینک' کے حصول کے باعث مؤثر غیر ملکی سرمایہ کاری کی گئی۔
اس کے ساتھ ساتھ 'یوریکم ایس پی اے' کی 'فاطمہ یوریکم رائس ملز' میں 50 فیصد شراکت سے قومی معیشت کو تقویت ملی گی۔
ٹوٹل پارکو میں 50 فیصد اور شیل پاکستان میں 77 فیصد سے زائد حصص کی غیر ملکی خریداری، خلیجی سرمایہ کاری سے پاکستان کے تجارتی روابط مزید مضبوط ہوگی۔
فن ٹیک کے تحت 'بازار ٹیکنالوجیز' کو 100 ملین ڈالر فنڈنگ، پاکستانی اسٹارٹ اپس عالمی سرمایہ کاروں کی توجہ کا مرکز بن گیا۔ نیشنل لاجسٹک کارپوریشن اور ڈی پی ورلڈ کا مشترکہ منصوبہ، پاکستان کے انفراسٹرکچر کی ترقی میں اہم کردار ادا کررہا ہے۔
ایس آئی ایف سی کی بھر پور کاوشوں کے باعث منعقد کیے گئے پاکستان منرل انویسٹمنٹ فورم 2025 میں معدنی سرمایہ کاری کے مواقع پر زور دیا گیا، فورم میں پالیسی اصلاحات پر تبادلہ خیال، متعدد مفاہمتی یادداشتوں پر دستخط اور نئی شراکت داریوں کا آغاز ہوگیا۔
