پاکستانی روپے کے مقابلے امریکی کرنسی ڈالر کی قدر میں اضافہ ہوگیا۔
اسٹیٹ بینک آف پاکستان ( ایس بی پی ) کی جانب سے جاری کردہ اعدادو شمار کے مطابق کاروباری ہفتے کے پہلے روز انٹربینک میں امریکی کرنسی ڈالر کی قدر میں روپے کے مقابلے 10 پیسے کا اضافہ ریکارڈ کیا گیا ہے۔
مرکزی بینک کے مطابق پیر کے روز انٹربینک میں ڈالر 10 پیسے مہنگا ہونے کے بعد 280 روپے 57 پیسے کا ہو گیا۔
یاد رہے کہ گزشتہ کاروباری ہفتے کے اختتام پر انٹر بینک میں ڈالر کی قیمت 280 روپے 47 پیسے تھی۔
