گوجرانوالہ میں کوٹ لدھا میں انسانیت سوز واقعہ پیش آیا ہے،شوہر نے دوسری بیوی کے ساتھ ملکر پہلی بیوی کو مبینہ طور پر پٹرول چھڑ ک کر آگ لگا دی۔
پنجاب پولیس کا کہنا ہےکہ متاثرہ خاتون کوتشویشناک حالت کے پیش نظر لاہور ریفر کردیا گیا جہاں اسکا علاج جاری ہے۔پولیس نے متاثرہ خاتون کی مدعیت میں مقدمہ درج کرکے ملزم نصیرکو گرفتار کرلیا،
ملزم نے پولیس کو بیان دیتے ہوئے کہا کہ بیوی نے خود پیٹرول چھڑک کر اپنےآپ کو آگ لگائی،تاہم متاثرہ خاتون شمائلہ کا کہنا ہے کہ اسکی سوتن نے اس پر پیٹرول چھڑک کر آگ لگا دی۔
افسوسناک واقعہ دو روز قبل پیش آیا۔
