نِک جونس کے بڑے بھائی، پریانکا چوپڑا کے جیٹھ اور امریکی گلوکار جوئے جونس کی برطانوی نژاد امریکی اداکارہ صوفی ٹرنر سے 4 سالہ شادی کی ناکامی اور طلاق کی خبریں کافی عرصے سے گردش کر رہی تھیں جو درست ثابت ہوگئی ہیں۔
جوئے اور صوفی کے مابین تعلقات خوشگوار نہیں تھے لیکن اس کے باوجوداس سے پہلے جوئے اور صوفی نے کبھی میڈیا میں اپنی ازدواجی زندگی کے مسائل پر بات نہیں کی تھی۔
NIckچار برس قبل جوئےجونس اور صوفی ٹرنر نے ایک چھوٹی سی تقریب میں قریبی دوستوں اور خاندان کے افراد کی موجودگی میں شادی کی تھی جس کی تصوریریں ان کی ایک دوست نے اپنی انسٹاگرام پوسٹ پر شیئر کیں تو دنیا بھر کے میڈیا میں گیم آف تھرونز کی اداکارہ صوفی ٹرنر اور امریکی گلوکارجوئے جونس کی شادی کی خبر جنگل کی آگ کی طرح پھیل گئی ۔
گیم آف تھرونز کے اختتام پر صوفی ٹرنر اورجوئے جونس نے دوبارہ فرانس میں شادی کی جس کی بلیک اینڈ وائٹ تصویر صوفی نے اپنی انسٹاگرام پوسٹ میں شیئر کی اوراس پر لکھا کہ’’مسٹر اینڈ مسز جونس‘‘۔
جوئے اور صوفی کی دو بیٹیاں 2020 اور 2022 میں پیدا ہوئیں لیکن دونوں کی ازدواجی زندگی میں بہت سے اتار چڑھاؤ آنے لگے جس کے بعد ان کی طلاق کی خبریں گردش کرنے لگیں لیکن ان کی تصدیق اس وقت ہوئی جب انہوں نے حال ہی میں طلاق کے لئے عدالت سے رجوع کیا۔
امریکی میڈیا نے جوئے اور صوفی سے رابطہ کیا تو انہوں نے طلاق کی خبروں کی تصدیق کرتے ہوئے بتایا کہ وہ چاہتے ہیں کہ طلاق کے بعد بیٹیوں کی مل کر سرپرستی کریں کیونکہ یہ معاہدہ وہ شادی سے پہلے ہی ایک دوسرے سے کر چکے تھے۔
