لاہور، راولپنڈی اور ملتان میں پاکستان سپر لیگ کے میچز کی سیکیورٹی کے لیے فوج اور رینجرز کے دستے طلب کرلیے گئے۔ حکمہ داخلہ پنجاب نے وفاقی وزارت داخلہ کو درخواست بھجوا دی ہے۔
محکمہ داخلہ پنجاب کے مطابق فول پروف سیکیورٹی میں پولیس کی معاونت کے لیے فوج اور رینجرز کے دستے طلب کیے گئے ہیں۔ لاہور، راولپنڈی اور ملتان کے لیے رینجرز کے 1، 1 ونگ اور آرمی کی 2، 2 کمپنیوں کی خدمات طلب کی گئی ہیں۔
محکمہ داخلہ پنجاب نے درخواست میں کہا ہے کہ پی ایس ایل میں بین الاقوامی کرکٹرز اور میچ آفیشلز حصہ لے رہے ہیں۔ ملکی و غیر ملکی کھلاڑیوں، میچ آفیشلز اور عملے کی شرکت کے باعث یہ ہائی پروفائل ایونٹ ہے۔
درخواست میں کہا گیا ہے کہ لاہور، راولپنڈی اور ملتان میں میچز، ٹیموں کے قیام اور سفر کے دوران فول پروف سیکیورٹی انتظامات کیےجائیں گے۔
دوسری جانب صوبائی حکومت کی درخواست پر وفاقی حکومت نے پی ایس ایل دو ہزار پچیس کے لئے پاک فوج تعینات کرنے کی منظوری دیدی ۔
پی ایس ایل میچز کی سیکیورٹی کیلیے پاک فوج اور سول آرمڈ فورسز کےدستےتعینات ہوں گے ۔ سیکیورٹی فوسرسز تعینات کرنے کی منظوری پنجاب حکومت اور چیف کمشنر اسلام آباد کی درخواست پر دی گی۔
واضح رہے کہ پاکستان سپرلیگ ایڈیشن 10کے میچز11 اپریل سے18 مئی تک شیڈول ہیں، پاکستان سپر لیگ میں بین الاقوامی کرکٹرز اور میچ آفیشلز شرکت کررہے ہیں۔ سیکیورٹی کیلئے دستوں کی خدمات6 اپریل سے19 مئی تک طلب کی گئی ہیں۔
