پشاور اور لاہور میں عید سے قبل مرغی کی قیمت میں بڑا اضافہ ہو گیا ہے۔
عید سے قبل پشاور میں مرغی کی قیمت کو بھی پر لگ گئے۔ دو دنوں کے دوران زندہ مرغی کی فی کلو قیمت میں 70 روپے کا اضافہ ہوگیا۔ زندہ مرغی کی قیمت 570 روپے فی کلو ہوگئی
دوسری جانب لاہور میں سرکاری نرخنامے کے مطابق مرغی کا گوشت 595 روپے کلو ہے۔لاہور میں انڈوں کی فی درجن قیمت 264 روپے ہے۔
لاہور میں زندہ برائلر مرغی کا تھوک ریٹ 397 روپے کلو جبکہ زندہ برائلر کا پرچون ریٹ 411 روپے کلو ہے۔
سرکاری قیمتوں کے برعکس لاہور شہر میں چکن 700 سے 750 روپے فی کلو فروخت ہو رہی ہے، بون لیس کے دام 1100 سے 1250 روپے فی کلو وصول کیے جا رہے ہیں۔
لاہور میں سرکاری نرخنامے کی بجائے چکن کی ہول سیل مارکیٹ ٹولنٹن مارکیٹ میں زندہ مرغی 450 سے 470 روپے فی کلو میں فروخت ہو رہی ہے۔
