اسلام آباد ہائیکورٹ نے 190 ملین پاؤنڈ کیس میں سزا معطلی کی درخواستوں کو کل سماعت کے لئے مقرر کردیا۔
بانی پی ٹی آئی اور ان کی اہلیہ بشریٰ بی بی کی 190 ملین پاؤنڈ کیس میں سزا معطلی کی درخواستوں کے حوالے سے اہم پیشرفت سامنے آئی ہے اور اسلام آباد ہائیکورٹ نے کیس کل سماعت کیلئے مقرر کر دیا ہے۔
قائم مقام چیف جسٹس سرفراز ڈوگر اور جسٹس محمد آصف درخواستوں پر سماعت کریں گے۔
رجسٹرار آفس نے بانی پی ٹی آئی اور بشریٰ بی بی کی درخواستیں اعتراضات کے ساتھ مقرر کی ہیں۔
بانی پی ٹی آئی اور بشریٰ بی بی نے اپیل کے حتمی فیصلے تک سزا معطلی کی درخواستیں دائر کر رکھی ہیں۔
