پاکستان سے حج آپریشن کا شیڈول جاری کردیا گیا، پہلی پرواز یکم مئی کو جبکہ آخری 30 مئی کو روانہ ہوگی۔
ذرائ وزارت مذہبی امور کے مطابق پاکستان سے پہلی حج پرواز یکم مئی کو سعودی عرب کیلئے روانہ ہوگی، حج آپریشن 30 روز تک جاری رہے گا، آخری پرواز 30 مئی کو روانہ ہوگی۔
ذرائع کا کہنا ہے کہ حج پروازوں کا شیڈول 10 اپریل تک جاری کیے جانے کی توقع ہے، پی آئی اے، سعودی ایئر لائن سمیت 5 ایئر لائنز حج آپریشن میں حصہ لیں گی۔
ذرائع کے مطابق سرکاری اسکیم کے تحت تقریباً 89 ہزار پاکستانی عازمین حجاج مقدس جائیں گے، سال رواں ایک لاکھ 79 ہزار 210 پاکستانی عازمین فریضہ حج ادا کریں گے۔
واضح رہے کہ پاکستان میں سرکاری اسکیم کے تحت حج اخراجات 11 لاکھ روپے سے زائد ہیں جبکہ پرائیویٹ حج اخراجات 25 لاکھ روپے سے زائد تک ہیں۔
