چیئرمین پاکستان پیپلز پارٹی ( پی پی پی ) بلاول بھٹو زرداری نے کہا ہے کہ پانی کا مسئلہ ہماری اولین ترجیح ہے اور یہ معاملہ ہمارا جینا مرنا ہے۔
ایوان صدرمیں صحافیوں سےغیررسمی گفتگو کرتے ہوئے چیئرمین پی پی بلاول بھٹو زرداری کا کہنا تھا کہ پانی کا مسئلہ ہماری اولین ترجیح ہے، پانی کے معاملے پر ہمارا جینا مرنا ہے، 6 کینالز کا معاملہ ہر فورم پر اٹھا رہے ہیں اور اس معاملے پر بھرپور انداز اور مربوط حکمت عملی کے ساتھ تحریک شروع کریں گے۔
چیئرمین پی پی کا کہنا تھا کہ دہشتگردی کے معاملے پر حکومت کو مزید اتفاق رائے پیدا کرنے کیلئے کام کرنا ہوگا، دہشتگردی کا خاتمہ ہم سب نے مل کر کرنا ہے، پارلیمانی قومی سلامتی اجلاس کے بعد خود بلوچستان جا کر امن وامان کی صورتحال کا جائزہ لیا۔
بلاول بھٹو کا کہنا تھا کہ پیپلزپارٹی نے آئندہ وفاقی بجٹ کے حوالے اپنی تیاریاں شروع کر دی ہیں، حکومت کو عوام دوست اور ملازمین دوست بجٹ کے حوالے سے بہترین تجاویز دیں گے۔
ان کا کہنا تھا کہ بجٹ میں ہماری سفارشات کو حصہ بنایا جائے گا۔
انہوں نے مزید کہا کہ سیلاب متاثرین کے فنڈز کی ادائیگی کیلئے وزیراعظم سے رابطے ہیں۔
