پنجاب حکومت نے مزید سرکاری گندم ریلیز کرنے کی منظوری دیدی ہے ، محکمہ پرائس کنٹرول اینڈ کموڈٹیز مینجمنٹ سرکاری گوداموں سے مزید گندم ریلیز کرے گا۔
تفصیلات کے مطابق صوبے بھر میں سرکاری گندم ریلیز کی قیمت 2900 روپے فی من رکھی گئی ہے، سیکرٹری پرائس کنٹرول اینڈ کماڈیٹیز مینجمنٹ ڈیپارٹمنٹ نے نوٹیفکیشن جاری کردیا، پنجاب کابینہ نے ابتدائی طور پر 12 لاکھ میٹرک ٹن گندم ریلیز کرنے کی اجازت دی تھی، محکمہ خوراک اب تک 12 لاکھ میٹرک ٹن گندم فروخت کر چکا ہے۔
