وفاقی ادارہ شماریات نے موبائل فون،گاڑیوں،مشینری، خوراک سمیت درآمدی اشیاء کی تفصیلات جاری کردیں،مالی سال کے پہلے 8 ماہ میں درآمدات 37 ارب 87 کروڑ ڈالر سے تجاوز کرگئی۔
وفاقی ادارہ شماریات کی رپورٹ کےمطابق جولائی تا فروری درآمدات میں 7.6 فیصد یعنی 2 ارب 67 کروڑ ڈالر اضافہ ریکارڈ کیا گیا،مشینری کی امپورٹ میں 15.60 فیصد اضافہ،حجم 5 ارب 82 کروڑ ڈالر رہا،پاور،ٹیکسٹائل، آفس، تعمیراتی اور الیکٹریکل میشنری کی درآمد میں اضافہ ہوا۔
رپورٹ کےمطابق موبائل فون کی امپورٹ میں 13 فیصدکمی،حجم ایک ارب ڈالر سے زیادہ رہا،پیٹرولیم کی امپورٹ 1.20 فیصد اضافے سے 10 ارب 70 کروڑڈالرریکارڈکیاگیا،زرعی آلات،کیمیکلزکی امپورٹ میں 2.52 فیصد اضافہ،5 ارب 87 کروڑ ڈالررہی،ٹرانسپورٹ کی درآمدات 24.33 فیصد اضافے سے ایک ارب 38 کروڑ ڈالر ریکارڈ کیا گیا۔
گاڑیوں اورپرزہ جات کی امپورٹ میں 23 فیصد تک اضافہ ہوا،جولائی تا فروری 75 کروڑ ڈالر سے زیادہ مالیت کی گاڑیاں،پرزےدرآمد ہوئے،مالی سال کےپہلے 8 ماہ میں غذائی اشیاء کی امپورٹ میں 1.47 فیصد تک کمی ہوئی۔
پاکستان نےبیرون ملک سے 5 ارب 38 کروڑ ڈالرکی خوراک امپورٹ کی،گندم،خشک میوے،چائے، مصالحے، پام آئل،سویا بین، چینی، دالیں شامل ہیں،8 کروڑ 32 لاکھ ڈالر کا دودھ،مکھن اور کریم بھی بیرون ملک سے آیا،ٹیکسٹائل امپورٹ میں 8 ماہ میں 59 فیصد اضافہ، حجم 2 ارب 71 کروڑ ڈالر رہا۔
