متحدہ عرب امارات میں عید الفطر کی تعطیلات کا اعلان کردیا گیا۔
خلیج ٹائمزکی رپورٹ کے مطابق وفاقی اتھارٹی برائےسرکاری انسانی وسائل نےسرکلر جاری کردیا جس میں اعلان کیا گیا ہےکہ وفاقی حکومت کےشعبے کے لیےعید الفطرکی چھٹیاں یکم تا 3 شوال ہجری تک ہوں گی اور سرکاری کام 4 شوال کو دوبارہ شروع ہوگا۔
رپورٹ کےمطابق اگررمضان المبارک 30 دنوں کا رہا تو 30 رمضان کو ایک اضافی چھٹی ہوگی اس طرح عید الفطر کے وقفے کو بڑھا دیا جائے گا۔
اگرشوال کا چاند 29 مارچ ہفتے کی شام نظر آگیا تو عید الفطر 30 مارچ اتوار کو ہوگی اور اتوار کو عید کا پہلا دن ہو گا۔
اگر ہفتہ کی شام کو چاند نظر نہیں آیا تو 30 روزے ہوں گے جبکہ عید پیر 31 مارچ کو شروع ہو گی۔ ایسے میں ہفتے کے روز سے شروع ہونے والی تعطیلات بدھ 2 اپریل تک جاری رہیں گی جو کہ 5 چھٹیوں کا طویل ویک اینڈ ہوگا۔
